Ұлттық төлем корпорациясы Банк ЦентрКредит, Freedom Bank және Хоум Кредит Банк-пен бірлесіп банкаралық QR-төлемдер сервисін іске қосты

Опубликовано: 30 сентября, 2025 в 3:58 пп

Категории: Жаңалықтар мен баспасөз хабарламалары

Тэги:

 

Пресс-релиз

   Алматы қ.                                                                                                30 қыркүйек 2025ж.

 

Ұлттық төлем корпорациясы Банк ЦентрКредит, Freedom Bank және Хоум Кредит Банкпен бірлесіп банкаралық QR-төлемдер сервисін іске қосты

 

Қазақстан Республикасы Ұлттық Банкінің «Ұлттық төлем корпорациясы» АҚ және Қазақстан Республикасы Ұлттық Банкінің қолдауымен ұлттық цифрлық қаржы инфрақұрылымын дамыту аясында банктердің мобильді қосымшаларында тауарлар мен қызметтерді төлеуге арналған банкаралық QR-төлемдер сервисінің іске қосылғанын хабарлайды.

Алғашқы операциялар «Банк ЦентрКредит» АҚ,  «Freedom Bank» АҚ және «Home Credit Bank» АҚ клиенттеріне қолжетімді болды. Бұл банктер өздерінің мобильді қосымшаларына банкаралық QR-төлемдер сервисін енгізіп, Қазақстан бойынша сауда және қызмет көрсету орындарында тауарлар мен қызметтерді төлеу мүмкіндігін қамтамасыз еткен алғашқы серіктестер болды.

Банкаралық QR-төлемдер сервисі Банкаралық мобильді төлемдер жүйесі (БМТЖ) негізінде құрылған және ISO 20022 халықаралық стандартына сәйкес келеді, бұл операциялардың жылдамдығы мен сенімділігін қамтамасыз етеді.

Бұл – барлық қатысушы банктердің клиенттері үшін қолжетімді бірыңғай төлем құралы, ол клиенттерге өз банкінің мобильді қосымшасы арқылы эквайринг желісі бойынша сатып алуларды төлеуге мүмкіндік береді.

Банкаралық QR-төлемдер сервисінің іске қосылуы – ұлттық цифрлық қаржы инфрақұрылымын дамытудың жаңа кезеңі, ол азаматтар мен бизнес үшін қолайлы орта қалыптастыруға мүмкіндік береді.

«Қазақстан Республикасы Ұлттық Банкінің Ұлттық төлем корпорациясы» АҚ және Қазақстан Республикасы Ұлттық Банкі жаңа қатысушыларды қосу бойынша жұмыстар жүргізуде.

АҚПАРАТТЫҚ ХАБАРДЫ ЖҮКТЕП АЛУ

Ұлттық төлем корпорациясы 2025 жылдың бірінші тоқсаны бойынша Ұлттық цифрлық қаржы инфрақұрылымын іске асыру қорытындысын шығарды

Опубликовано: 4 апреля, 2025 в 3:39 пп

Категории: Жаңалықтар мен баспасөз хабарламалары,Новости и пресс-релизы

Ұлттық банктің QBR іс-шарасында Ұлттық төлем корпорациясының басқарма төрағасы Жанар Самаева 2025 жылдың бірінші тоқсаны бойынша Ұлттық цифрлық қаржы инфрақұрылымын (ҰЦҚИ) енгізу және дамыту жөніндегі негізгі қорытындыларды көрсетті.

ҰЦҚИ барлық цифрлық төлем шешімдерінің ауқымын қамтиды және банктер арасындағы өзара әрекеттесу құралдарын, цифрлық сенім инфрақұрылымын, деректер алмасу жүйелерін және алаяқтықтың алдын алу механизмдерін біріктіреді.

2025 жылдың I тоқсанының негізгі жетістіктері:

• ҰЦҚИ инфрақұрылымы арқылы елдің төлем айналымының 90%-ға дейінгі бөлігі өтеді.
• Орташа тәуліктік транзакциялар көлемі 5,7 трлн теңгені құрады.
• Ай сайын шамамен 3 млн биометриялық сәйкестендіру тіркелді.
• 2 млрд теңгеден астам сомаға алаяқтық транзакциялар бұғатталды.

Open API және P2P-аударымдар

2025 жылдың наурыз айынан бастап телефон нөмірі арқылы P2P-қызметі өнеркәсіптік пайдалану кезеңі іске қосылды. Әр түрлі банктердің клиенттері арасындағы тесттік аударымдар 3 банкте қолжетімді. Жыл соңына дейін барлық цифрлық екінші деңгейлі банктерді кезең-кезеңімен қосу жоспарлануда.

Антифрод-орталық

ҰТК деректері негізінде құрылған Антифрод платформасы 169 қатысушымен серіктес. Тоқсан ішінде 36 000-нан астам алаяқтық инцидент тіркеліп, 2 млрд теңгеден астам сома бұғатталды, 141,3 млн теңге клиенттерге өз еркімен қайтарылды.

Жасанды интеллект инциденттерді талдау үшін қолданылады: ең көп тарағаны – жалған қоңыраулар, жалған инвестициялық схемалар және фишингтік сайттар. AI-модельдін іске қосуы 2025 жылдың II тоқсанында жоспарлануда.

Цифрлық теңге

Цифрлық теңге мемлекеттік қаржыны мақсатты пайдалануын бақылау құралы ретінде енгізілуде. I тоқсанда екі негізгі механизм іске асырылды – маркировка және қаражатты холдтеу. Оборотқа 250 млрд теңгеден астам цифрлық теңге шығарылды.

Пилоттық сценарийлерде инвестициялық субсидияларды қайтару, мақсатты кредит беру, ҚҚС басқару, мемлекеттік сатып алулар бойынша және Ұлттық қордан аударымдардағы қаражатты маркировкалау механизмдері жұмыс істейді.

Бірыңғай QR-код

Бірыңғай QR-коды бар төлем жүйесі әзірленіп, енгізуге дайын. Банктермен келіссөздер жүргізілуде, пилоттық іске қосу 2025 жылдың үшінші тоқсанына жоспарланған.

Антифрод орталығы қаржы секторындағы ең танымал алаяқтық схемаларын атады

Опубликовано: 31 января, 2025 в 9:24 пп

Категории: Жаңалықтар мен баспасөз хабарламалары,Медиа

Тэги:

Қаржы секторындағы алаяқтық схемаларға қарсы іс-қимылдың негізгі құралдарының бірі 2024 жылғы шілдеде Ұлттық банктің Ұлттық төлем корпорациясы (ҚР ҰБ ҰТК) базасында құрылған Антифрод орталығы болды. Бұл туралы ҚР ҰБ ҰТК Басқарма төрағасы Жанар Самаева Digital Almaty 2025 форумында хабарлады.

Ұлттық төлем корпорациясының мәліметінше, алты ай ішінде Антифрод-орталық 19 мыңға жуық алаяқтық оқыс оқиғаны тіркеді. Әлеуметтік инженерия, жалған инвестициялар кеңінен таралды. Яғни, адамдар өз еркімен алаяқтарға ақша аударады. Тек аздаған бөлігі ғана технологияның осал тұстарын қамтиды.

Қазақстанда экономикалық белсенді халықтың 70% -дан астамы мобильді банкингті пайдаланады және алаяқтар жаңа технологияларды, оның ішінде ЖИ қолдана отырып, белсенді бейімделеді. Жарты жыл ішінде Антифрод-орталықтың арқасында екінші деңгейлі банктер алаяқтардың қолына түсуі мүмкін 1,5 млрд теңгені бұғаттай алды», — деп атап өтті Жанар Самаева.

Жасанды интеллект оқыс оқиғаларға басымдық беру процесіне енгізіледі, бұл ірі алаяқтық операцияларға жылдам ден қоюға мүмкіндік береді. Тіркелген кезеңдегі алаяқтық туралы деректерді талдау қаржы ұйымдарына жаңа қорғау тетіктерін әзірлеуге көмектеседі.

«Біздің міндетіміз — алаяқтықты анықтап, болдырмау ғана емес, сонымен қатар қаржы секторында сенім экожүйесін құру. Бұл үшін біз банктердің, байланыс операторларының және құқық қорғау органдарының күш-жігерін біріктіреміз», – деп түйіндеді Жанар Самаева.

Бұдан басқа, Ұлттық төлем корпорациясы шоттарды ашу және қаржылық қызметтерді алу кезінде дипфейктер мен жалған тұлғаларды пайдалануды болдырмау үшін тіршілікке тексеруді (liveness detection) қамтитын биометриялық аутентификация жүйесін белсенді дамытуда.

Қазақстан Республикасы Ұлттық төлем корпорациясы (ҰТК), ҚР Ұлттық Банкінің еншілес ұйымы қазіргі заманғы және қауіпсіз төлем экожүйесін дамыту үшін құрылған. Күн сайын ҰТК арқылы 2 млн астам транзакция өңделеді. Корпорацияның негізгі қызметі — қолма-қол ақшасыз есеп айырысу бойынша клирингті қамтамасыз ету.  Сондай-ақ, ҰТК қаржылық тұрақтылықты нығайтуға және төлем саласын инновациялық дамытуға бағытталған Цифрлық теңге, антифрод-жүйе және ашық банкинг жобаларын іске асырады.

2024 жылы Ұлттық цифрлық қаржы инфрақұрылымын дамыту қорытындылары туралы

Опубликовано: 24 января, 2025 в 10:28 пп

Категории: Аналитика,Медиа

Тэги:

ЕСЕПТІ ЖҮКТЕП АЛУ

Қазақстан Ұлттық Банкі (бұдан әрі — ҚҰБ) және Қазақстанның Ұлттық төлем корпорациясы «Ұлттық цифрлық қаржы инфрақұрылымын дамыту туралы» жыл сайынғы есепті жариялады. Құжатта ҰЦҚИ-дың өткен жылғы жұмысының қорытындысы шығарылып, болашаққа арналған стратегиялық мақсаттар айқындалған.

Инфрақұрылымды дамытудың негізгі бағыттары:

  1. Цифрлық валютамен операцияларды қоса алғанда, қауіпсіз және үздіксіз транзакцияларды қамтамасыз ету.
  2. Биометриялық сәйкестендіру және келісімдерді басқару үшін цифрлық сервистерді енгізу.
  3. Ашық API арқылы қатысушылар мен қызметтерді жеткізушілер арасында қауіпсіз деректер алмасу.

2024 жылы ҰЦҚИ-ды дамытудың негізгі бағыты төлем инфрақұрылымының жаңа элементтерін құру, сондай-ақ нарыққа қатысушылар арасында қауіпсіз және ашық өзара іс-қимылды қамтамасыз ету үшін қолданыстағы инфрақұрылымды дамыту болды.

Төлем карточкаларының банкаралық жүйесін, Open API және Антифрод-орталығын іске қосу қаржылық инклюзияны (қолжетімділікті) нығайтты, қауіпсіздік деңгейін арттырды және елішілік операциялардың егемендігін нығайтты.

Қазіргі уақытта ҚҰБ инфрақұрылымы тәулігіне 5,9 трлн теңге сомасына 350 000-нан астам транзакцияны өңдейді және айына 2,5 млн-нан астам цифрлық сәйкестендіру жүргізеді.

Бұдан басқа, 2024 жылы «Цифрлық теңге» жобасының екінші кезеңі шеңберінде мемлекеттік және бағдарламаланатын төлемдерде цифрлық валютаны пайдаланудың жаңа сценарийлері сынақтан өткізілді, сондай-ақ ел экономикасына толық көлемде енгізу үшін негіз қаланды.

ҰЦҚИ нарықтың барлық қатысушылары үшін тең қолжетімділікті қамтамасыз ете отырып, икемді, орнықты және бәсекеге қабілетті қаржы жүйесін құруға ықпал ететін стратегиялық жоба болып табылады. Айта кетейік, ҰЦҚИ операторы ҚҰБ Ұлттық төлем корпорациясы болып табылады.

 

Central Asia Fintech Summit 2024: Алматыда алғаш рет өңірдің ірі қаржы-шарасы өтеді

Опубликовано: 10 сентября, 2024 в 12:34 пп

Категории: Жаңалықтар мен баспасөз хабарламалары,Медиа

Тэги:

Ұлттық төлем корпорациясы (ҰТК) 2024 жылғы 8-9 қазанда Алматы қаласында Royal Tulip өтетін бірінші жыл сайынғы Central Asia Fintech Summit өткізілетіні туралы хабарлайды. Саммитке 70-тен астам спикерлер, соның ішінде қаржы нарығының сарапшылары, реттеушілер мен Халықаралық Валюта Қоры, Халықаралық есеп айырысу банкі және Дүниежүзілік банк сияқты халықаралық ұйымдардың өкілдері қатысады. Google және Microsoft сияқты технологиялық алпауыттардың өкілдері қатысады деп күтілуде. Қатысу үшін сайтқа  тіркеліңіз.

Қазақстан қолма-қол ақшасыз есеп айырысулар мен цифрландыру үлесі бойынша жетекші орынға ие, бұл Орталық Азия елі мен өңірін инновациялық қаржытех-шешімдерді енгізу үшін тартымды етеді. Саммит қаржы және төлем технологияларын дамыту мәселелеріне назар аударады, сондай-ақ халықаралық қоғамдастықпен тәжірибе алмасу алаңын құрады.

Central Asia FinTech Summit бірінші күні Қазақстанның цифрлық Ұлттық Банкінің тұжырымдамасы тұңғыш рет ұсынылатын болады, ол елдің қаржы нарығындағы инновацияларды цифрландыру мен дамытудағы маңызды қадам болады.

Іс-шараның негізгі серіктесі Elevandi Kazakhstan болып табылады, оның басты мақсаты мемлекеттік және жеке секторлар арасындағы белсенді және ашық диалогқа ықпал ету, FinTech-ті жаһандық цифрлық экономикада ілгерілету.

Central Asia FinTech Summit-тің екінші күні MOST HUB қолдауымен қаржытех-стартаптар үшін питч-сессия өтеді. Бұл pre-seed және seed кезеңіндегі стартаптар үшін 50,000$ жүлде қорына, сондай-ақ демеушілер мен серіктестердің бағалы сыйлықтарына бәсекелесуге мүмкіндік береді.

Саммит аясында көрме аймағы ұйымдастырылады, онда қаржытех нарығының өкілдері инновациялар мен соңғы жетістіктер туралы әңгімелейді.

“ «Central Asia Fintech Summit 2024-цифрлық қаржы саласындағы нақты шешімдерді талқылауға арналған алғашқы бірегей платформа. Біз жыл сайын инновацияларды енгізуді жеделдету және қаржы секторының болашағын қалыптастыру үшін өңірдің жетекші сарапшылары мен қаржытех-компаниялары арасында тәжірибе алмасу және ынтымақтастық үшін мүмкіндіктер жасауды жоспарлап отырмыз», — деді Ұлттық төлем корпорациясының төрағасы Бинур Жаленов.

Саммит аясында келесі тақырыптар талқыланады. Бағдарламамен толығырақ саммит сайтында танысуға болады.

  • Цифрлық Ұлттық Банк: Қазақстандағы цифрлық реттеуші тұжырымдамасының тұсаукесері;
  • Орталық банктердің цифрлық валюталары: цифрлық теңгені және өңірдің басқа да ОБЦВ пайдалану барысы мен сценарийлерін талқылау;
  • Қаржытехтегі әйелдер көшбасшылығы: қаржытех секторындағы инклюзивтілікті дамытудың артықшылықтары туралы панельдік пікірталас;
  • Қаржы нарығындағы AI: жасанды интеллектті қолдану салалары және технологияны дамыту үшін оны реттеу;
  • Ашық банкинг және Ашық API: қаржы нарығының барлық қатысушылары үшін қол жетімді және бірдей қашықтықтағы инфрақұрылымды дамыту және клиенттер үшін мүмкіндіктер;
  • Орталықтандырылмаған қаржы және блокчейн: технологияның дәстүрлі қаржы жүйелеріне әсері, пайдалану сценарийлерін талқылау;
  • Қаржы нарығындағы қауіпсіздік: алаяқтыққа қарсы тұрудың заманауи әдістері мен құралдары (антифрод жүйелері, қашықтан сәйкестендіру және т. б.);
  • Стартаптардың питч-сессиясы: қаржытех-стартаптарға өз шешімдерін ұсынуға және жүлде қорын ұтып алуға мүмкіндік.

Іс — шараның бас демеушілері халықаралық төлем жүйелерінің ірі өкілдері-Visa және Mastercard болды. Спикерлер қазірдің өзінде цифрлық валюталардың, блокчейннің, жасанды интеллекттің, ашық банкингтің және киберқауіпсіздіктің болашағын талқылауға дайындалып жатыр.

Іс-шара сайтында тіркеліңіз.

Соңғы бес жылда финтех-стартаптардың саны 4 есе өсті: Қазақстанның финтех нарығы туралы зерттеу жарияланды

Опубликовано: 3 июля, 2024 в 8:28 дп

Категории: Аналитика,Медиа

Тэги:

АЛМАТЫ, ҚАЗАҚСТАН – 2024 шілде 3 маусым – RISE Research Қазақстанның Ұлттық төлем корпорациясы, Mastercard және Tarlan Payments компанияларымен бірлесіп Қазақстандағы финтех нарығына ауқымды талдау жүргізді. Зерттеуге 100-ден астам қаржы және төлем технологиялары компанияларының кең ауқымды сауалнамасы кірді.

Алынған мәліметтерге сәйкес, Қазақстан цифрлық қаржыландыруды дамыту бойынша ТМД елдері мен Еуропа арасында алдыңғы қатарда*. Осылайша, Қазақстан Республикасындағы қолма-қол ақшасыз төлемдердің үлесі 2024 жылдың мамырында рекордтық 89%-ға жетті. Сонымен қатар, 2019-2023 жылдар аралығында онлайн-банкингті белсенді пайдаланушылар саны 4,6 есе (5 миллионнан 23,1 миллионға дейін) өсті.

“Қазақстан қолма-қол ақшасыз экономиканы дамытуда әлемдік көшбасшы болып табылады. Соңғы бес жылда қолма-қол ақшасыз операциялардың саны жиырма еседен астам өсіп, бөлшек тауар айналымының 89%-ын құрады. Нарықты қызметтерді жақсартуға және инновацияларды енгізуге ынталандыратын бәсеке. Ашық «ойын ережелері» және дамуына Қазақстанның Ұлттық төлем корпорациясы жауап беретін Цифрлық қаржылық инфрақұрылымға тең қолжетімділік бәсекелестіктің негізі болып табылады. Біз тұтынушылар сапалы, үнемді және ыңғайлы қаржылық қызметтер түрін пайдалана алуы үшін инновациялық шешімдерді қолдауды және дамытуды жалғастыруға ниеттіміз,» – деді Қазақстанның Ұлттық төлем корпорациясының Басқарма Төрағасы Бинұр Жаленов.

Финтех-индустриясының өсуі елдің венчурлік индустриясында финтех бағытының дамуымен қамтамасыз етіледі. Соңғы бес жылда финтех-стартаптардың саны 200 компанияға жетіп, тартылған венчурлық инвестициялар көлемінде көшбасшы рөлін қамтамасыз етті. 2023 жылы Қазақстандағы венчурлық қаржыландырудың 40%-ы осы саланың үлесіне тиесілі.

«Қазақстан финтех даму деңгейі бойынша аймақ көшбасшысы болуға ұмтылуда және Mastercard бұл мақсатты көп жылдар бойы қолдап келеді. Біз соңғы жылдары бұл саланың қарқынды өсіп келе жатқанын көріп отырмыз. Атап айтқанда, токендік төлемдер, ШОБ-қа арналған финтех шешімдер, Жасанды интеллект және Блокчейн саласындағы жобалар, инвестициялық платформалар, сандық сақтандыру өнімдері және т.б. сияқты жаңа төлем түрлері белсенді дамуда. Ұсынылған баяндамада біз серіктестерімізбен бірге Қазақстанның финтех дамыту тәжірибесін ұғынуға, жақын болашақтың негізгі үрдістерін талдауға тырыстық. Зерттеу қазақстандықтарға инновациялық финтех өнімдерін ұсынуды кеңейтетін жобаларды әзірлеу мен енгізуге, сондай-ақ салаға инвестициялар тартуға көмектеседі деп үміттенеміз», – деді Mastercard-тың Қазақстан және Орталық Азия бойынша бас директоры Санжар Жамалов.

Елдегі қаржылық және төлем технологияларын дамытудың негізгі драйвері банк секторы болып қала береді. Сонымен қатар, соңғы бес жылда банктік емес финтехтердің саны 4 есе өсті, крипто биржалары, eKYC, AML, алаяқтыққа қарсы және цифрлық несиелеу сияқты мамандандырылған салалар пайда болды. Бұл олардың дамығаны мен қолданыстың кеңейгенін, экожүйесі және нарық қатысушыларының өсіп келе жатқанының көрсеткіші.

“Есеп деректері бойынша, біздің елде халықаралық та, жергілікті де төлем жүйелері белсенді қолданылады. Бұл біздің нарықтың әлемдік қаржы экожүйесіне жоғары деңгейде интеграциялануын және жергілікті  халықаралық аренаға шығуға дайын екенін растайды. Менің ойымша, Қазақстанның финтех компанияларының бұл үшін барлық мүмкіндіктері бар”, – дейді Tarlan Payments компаниясының бас директоры Андрей Седенко.

Қазақстандық финтех нарығының дамығандығын соңғы жылдардағы басты тренд – дәстүрлі банктердің финтехтерді, e-commerce және басқаларын қоса алғанда, стартаптардың дамығандығын дәлелдейді. Мұнда банктер негізгі серіктестер мен инвесторлар ретінде жұмыс істейді. Сонымен қатар, бүкіл тарихи перспективада нарықтың дамуы реттеушілердің белсенді рөлімен қатар жүріп, оның ішінде заңнамалық реформалар, бағдарламалар мен стратегиялар, цифрлық қаржы инфрақұрылымын құру, финтех секторының өсуі мен дамуын ынталандыруда шешуші рөл ойнайды.

Сарапшылар Қазақстандағы финтех экожүйесінің дамуы еліміз тәуелсіздік алғаннан бері жүріп жатқанын, бірақ соңғы сегіз жылда әсіресе реттеу, айтулы оқиғалар мен бастамалар тұрғысынан ерекше көзге түскенін айтады.

«Зерттеуде саланың жан-жақты талдауы ұсынылған, оның ішінде негізгі ойыншылардың картасы және 7 негізгі финтех тренді бар. Біз барлық ақпаратты бір есепте жинақтадық, нарық көрінісін көрнекі түрде көрсету және шетелдік және жергілікті қаржы және технологиялық компаниялар үшін пайдалы құрал болу үшін. Сонымен қатар, финтех нарығының ойыншылары үшін қазіргі трендтерді бақылап қана қоймай, оларға «қосылу», оларды басып озу және нарықта қарқын беру маңызды: банктер үшін – финтех-стартаптармен ынтымақтаса отырып BaaS енгізу, өз процестеріне Govtech және жасанды интеллект технологияларын интеграциялау» , – деді RISE Research негізін қалаушы Айнұр Жантурина.

Дәл қазір елдің финтех нарығын қалыптастыратын негізгі трендтердің арасында сарапшылар мыналарды атап көрсетті:

  • жасанды интеллектті (ЖИ) енгізу;
  • финтех пен сандық мемлекеттік қызметтердің (Govtech) синергиясы;
  • ШОБ үшін жаңа сандық қаржылық өнімдер;
  • бөліп төлеу қызметтері (BNPL);
  • Сандық теңге;
  • ашық банкинг тұжырымдамасын дамыту;
  • сандық қаржылық активтер.

Толық зерттеу қазақ тілде сілтеме бойынша қол жетімді. 

Компаниялар туралы:

RISE Research – нарықты талдауға, финтех, венчурлық капитал, стартаптар, технологиялық экожүйелер және ТМД мен Орталық Азия аймағындағы үрдістер саласындағы зерттеулер мен консультацияларға мамандандырылған компания.

Mastercard (NYSE: MA) ― төлемдер саласындағы жаһандық технологиялық компания. Компанияның миссиясы – транзакцияларды қауіпсіз, қарапайым, ақылды және қолжетімді ете отырып, барлық жерде және барлығына пайда әкелетін инклюзивті сандық экономиканы қалыптастыру және нығайту. Қауіпсіз деректер мен желілерді, серіктестік қатынастарды және ынта-жігерді пайдалана отырып, біздің инновациялар мен шешімдер жеке тұлғаларға, қаржы ұйымдарына, мемлекеттік мекемелерге және бизнеске өз әлеуетін жүзеге асыруға көмектеседі.

Национальная платежная корпорация Казахстана – банкаралық төлемдер мен ақша аударымдарын және банкаралық клирингті жүргізумен, ұлттық төлем жүйесінің жұмыс істеуін қамтамасыз етумен, сондай-ақ қаржы және төлем технологиялары саласында ғылыми-зерттеу сараптамасын құру және дамыту, прототиптеу және пилоттық жобаларды іске асырумен айналысады.

Tarlan Payments – Қазақстандағы төлем жүйесі. Компания елдің ірі банктерімен — Халық, Жусан және Каспимен ынтымақтастық жасайды. Ай сайын жүйе арқылы 20 миллионнан астам транзакция өтеді.

 

«Цифрлық теңге» жобасын енгізудің бірінші кезеңін іске асыру қорытындылары туралы баяндама жарияланды

Опубликовано: 15 декабря, 2023 в 1:02 пп

Категории: Аналитика,Медиа

Тэги: ,

Қазақстан Ұлттық Банкі мен Қазақстанның Ұлттық төлем корпорациясы Қазақстан Республикасында цифрлық валютаны енгізудің бірінші кезеңін іске асыру қорытындылары туралы «Цифрлық теңге: бірінші кезеңін іске асыру нәтижелері» баяндамасының жарияланғаны туралы хабарлайды.

Қорытынды баяндама «Цифрлық теңге» жобасының ағымдағы мәртебесі және 2023 жылғы жұмыстар барысында алынған өнеркәсіптік және эксперименттік контурды іске асыру нәтижелері туралы ақпаратты ұсынады. Сонымен қатар, бұл құжат 2024 және 2025 жылдардағы іске асыру жоспарларын сипаттайды.

2023 жылғы 15 қарашада өнеркәсіптік контур шеңберінде цифрлық теңге платформасын енгізудің бірінші кезеңі іске қосылды. Қатысушы банктердің клиенттеріне цифрлық шоттар арасында төлемдер мен цифрлық теңге аударымдары қолжетімді болды. Бұдан басқа, Алматы қаласының әкімдігімен және «Қазпошта» АҚ-мен бірлесіп мектептерде тегін тамақтандыруға арналған «цифрлық ваучерлер» пилоттық жобасы іске қосылды. Visa және Mastercard және 4 ЕДБ (Халық Банкі, Altyn Bank, БанкЦентрКредит, Еуразиялық банк) бірлесіп цифрлық теңгемен цифрлық шотқа байланған цифрлық банк карталары іске қосылды-бұл азаматтарға әлемнің кез келген нүктесінде және таныс пайдаланушы жолы, қолданыстағы банк инфрақұрылымы шеңберінде цифрлық теңгемен жұмсауға, қолма-қол ақша алуға және операциялар жүргізуге мүмкіндік береді. Эксперименттік контурдағы жұмыстар Digital Tenge Ideathon 2022 идеялар байқауында жеңіске жеткен нарық қатысушыларының идеяларын сынақтан өткізуді, сондай-ақ трансшекаралық төлемдерді, цифрлық теңгемен қамтамасыз етілген стейблкоиндер шығаруды және бағалы қағаздарды токенизациялауды тестілеуді қамтыды.

2024 жылы нарық қатысушыларымен бірге іске қосылған жүйелер мен жобаларды масштабтау жоспарланған. Ұлттық цифрлық валютаны енгізудің екінші кезеңі шеңберінде нарықтың жаңа қатысушыларын қосу, Интернетке қол жеткізусіз есеп айырысуларды енгізу, мемлекеттік есеп айырысулардың тиімділігін арттыру және инновациялық сервистерді құру үшін смарт-келісімшарттарды қолдану жоспарланған.

Ұлттық Банк цифрлық теңгені кезең-кезеңімен, 2025 жылдың соңына дейін 3 кезеңде енгізеді.

ЗЕРТТЕУДІ ЖҮКТЕП АЛУ