» Тарифтер

Цифрлық теңге платформасында көрсетілетін қызметтердің тарифтері:

(теңге, ҚҚС сомасын есепке алмағанда)

№	Қызмет түрі	Сервис	Құны
1	Таңбалау немесе смарт-келісім шарт белгілері жоқ бір электрондық төлем құжатын өңдеу	Цифрлық теңгемен төлемдер мен аударымдар бойынша операцияны өңдеу	135,00
2	Таңбалау немесе смарт-келісім шарт белгілері бар бір электрондық төлем құжатын өңдеу	Таңбаланған цифрлық теңгемен төлемдер мен аударымдар бойынша операцияны өңдеу	135,00
3	Таңбалауды алып тастау туралы бір электрондық төлем құжатын өңдеу	Таңбаланған цифрлық теңгемен төлемдер мен аударымдар бойынша операцияны өңдеу	тегін
4	Цифрлық шотқа қызмет көрсететін қатысушыны ауыстырған кезде пайдаланушының сол цифрлық шотына қаражат аудару бойынша бір электрондық төлем құжатын өңдеу	Цифрлық теңгемен төлемдер мен аударымдар бойынша операцияны өңдеу	тегін
5	Цифрлық теңге платформасында бір смарт-келісімшарт жасау	Цифрлық теңгенің айналысы, пайдаланылуы және өтелуі бойынша қағидаларды, талаптар мен өлшемшарттарды белгілеу	135,00
6	Үзінді көшірме ұсыну	Сұрау салу бойынша цифрлық шоттардан үзінді көшірме ұсыну	тегін
7	Цифрлық теңгені шығару	Цифрлық теңгені шығару туралы сұрау салуды өңдеу	тегін
8	Цифрлық теңгені өтеу	Цифрлық теңгені өтеу туралы сұрау салуды өңдеу	тегін
9	Цифрлық шот ашу	Цифрлық теңге платформасында цифрлық шот ашу	тегін
10	Цифрлық шотты жабу	Цифрлық теңге платформасында цифрлық шотты жабу	тегін
11	Цифрлық шоттарды басқару (ШОТӨ, Тыйым салу, Алаяқтық)	Цифрлық шоттың жұмыс істеу мәртебесін өзгерту	тегін
12	ЦТ платформасы пайдаланушысының цифрлық шотынан қаражатты акцептсіз есептен шығару үшін бір электрондық төлем құжатын өңдеу	ЦТ платформасы пайдаланушысының цифрлық шотынан қаражатты акцептсіз есептен шығару (ШОТӨ, тыйым салуларды орындау мақсатында ЕДБ бастамасымен пайдаланушының цифрлық шотынан ЕДБ-ның цифрлық шотына қаражат аудару)	тегін
13	Қатысушы ауысқан кезде клиенттің криптографиялық кілттерін ауыстыру	Пайдаланушының цифрлық шотына қызмет көрсететін қатысушы ауысқан кезде клиенттің криптографиялық кілттерін ауыстыру	тегін

Цифрлық теңге платформасында көрсетілетін қызметтерге ақы төлеу сомасы көрсетілген қызметтердің санына қарамастан, айына әрбір ЦТ платформасының қатысушысынан ҚҚС-сыз 20 000,00 (жиырма мың) теңгеден кем болмауға тиіс.

«Цифрлық теңге» жобасы шеңберінде мемлекеттік уәкілетті органдарға көрсетілетін қызметтер өтеусіз ұсынылады.

Тарифтер 2026 жылғы 06 қыркүйектен бастап қолданысқа енгізіледі.

Тарифтерді қолданысқа енгізу күніне дейін өнеркәсіптік пайдалану шеңберінде Цифрлық теңге платформасының көрсетілетін қызметтеріне айына ҚҚС есепке алмағанда 100 (жүз) теңге мөлшерінде тариф қолданылады.

Бір жұп криптографиялық кілтті сақтау және пайдалану жөніндегі қызметтердің тарифі жылына ҚҚС есепке алмағанда 5 000,00 (бес мың) теңгені құрайды — Цифрлық теңге платформасымен өзара іс-қимыл жасау үшін криптографиялық кілттерді шығару, сақтау және пайдалану мақсатында HSM ES-ке қосылу жөніндегі қызметтерді көрсету туралы «ҰТК» АҚ-мен қосылу туралы шарт жасасқан қатысушыларға қолданылады.

Мемлекеттік уәкілетті органдарға және жеке тұлғаларға бір жұп криптографиялық кілтті сақтау және пайдалану жөніндегі қызметтер өтеусіз ұсынылады.

ҚР Ұлттық Банкінің «Ұлттық төлем корпорациясы» акционерлік қоғамы 2026 жылы көрсететін қызметтерге арналған тарифтер ҚР Ұлттық Банкінің «Ұлттық төлем корпорациясы» акционерлік қоғамы Директорлар кеңесінің 2026 жылғы 06 тамыздағы №48 шешімімен бекітілді.

Меню