«Қазақстан Республикасы Ұлттық Банкінің Ұлттық төлем корпорациясы» АҚ Басқарма Төрағасының орынбасары Асель Марченко «Құрмет» ордені — мемлекеттік марапатымен марапатталды. Марапатты Қазақстан Республикасы Президентінің атынан Алматы қаласының әкімі Дархан Сатыбалды табыс етті.

«ҰТК» АҚ-да Асель Маратовна төлем инфрақұрылымының үздіксіз жұмыс істеуіне және төлем жүйелерінің қолжетімділігіне жауап береді. Оның басшылығымен қаржы операцияларының жылдамдығы мен қауіпсіздігін арттыру, жаңа цифрлық технологияларды енгізу бойынша жобалар іске асырылуда, бұл азаматтар мен бизнес үшін тұрақты банкаралық өзара іс-қимылды және миллиондаған транзакцияларды күнделікті өңдеуді қамтамасыз етеді.

Қаржы инфрақұрылымының тәуелсіздігі және төлемдердің қауіпсіздігі Қазақстанның цифрлық егемендігі мен ұлттық экономиканың орнықтылығының маңызды құрамдас бөлігі болып табылады.

«ҰТК» АҚ командасы Асель Маратовнаға жоғары мемлекеттік наградасымен құттықтап, одан әрі табыстар мен жаңа кәсіби жетістіктер тілейді

Банкаралық жедел төлем жүйесінде жаңа қатысушылар пайда болды. Енді 12 банктің клиенттері жүйенің басқа  банктеріне телефон нөмірі арқылы ақша аудара алады. Аударым шоттың деректемелерін енгізбестен тез жүзеге асырылады: контактіні таңдап, мобильді қосымшадағы операцияны растау жеткілікті.

Банкаралық жедел төлем жүйесін ұлттық төлем корпорациясы әзірлеген және ұлттық цифрлық қаржы инфрақұрылымының негізгі компоненттерінің бірі болып табылады. Ол ел ішінде ыңғайлы, жылдам және қауіпсіз бөлшек сауда аударымдарын дамытуға бағытталған.

БЖТЖ:

• банктер арасында телефон нөмірі бойынша аударымдарды жүзеге асыруға;
• банктер арасында хабар алмасудың бірыңғай стандартын қамтамасыз етуге;
• банкаралық бөлшек төлемдердің ашықтығы мен қауіпсіздігін арттыруға;
• операцияларды өңдеу уақытын қысқартуға мүмкіндік береді.

«БЖТЖ дамыту — елдің заманауи, тұрақты және технологиялық тәуелсіз төлем инфрақұрылымын құру стратегиясының бөлігі. Жүйе банктердің мобильдік қосымшалары арасындағы инфрақұрылымдық «көпір» болып табылады, технологиялық үйлесімділікті және жедел төлем ақпаратымен алмасуды қамтамасыз етеді», — деп атап өтті Ұлттық төлем корпорациясының Басқарма Төрағасы Жанар Самаева.

Бүгінгі таңда Банкаралық жедел төлем жүйесіне:

• Банк ЦентрКредит
• Фридом Банк Казахстан
• Қазақстан Халық Банкі
• Bereke Bank
• Altyn Bank
• Bank RBK
• Хоум Кредит Банк
• Forte Bank
• KMF Банк
• Alatau City Bank
• Еуразиялық Банк
• Nurbank қосылған

Алғашқы қатысушы банктер қосылған сәттен бастап телефон нөмірі бойынша банкаралық аударымдар көлемінің тұрақты өсуі байқалады. Бұл клиенттер арасында сервистің сұранысын және ұлттық төлем инфрақұрылымына деген сенімнің жоғары деңгейін растайды.

Қазіргі уақытта бірқатар банктер тестілеу және техникалық интеграция кезеңінен өтуде.

Жаңа қатысушыларды қосу жүйенің қамтылуын кеңейтеді және телефон нөмірі бойынша аударымдарды бүкіл ел бойынша клиенттердің одан да көп санына қолжетімді етеді.

Жалпы нарық үшін бұл сервистер бәсекелестігін күшейтуді, қаржылық қолжетімділікті арттыруды, қолма-қол ақшасыз есеп айырысулар үшін кедергілерді азайтуды білдіреді.

Банкаралық жедел төлем жүйесін дамыту — бұл банктер арасындағы қаражатты аудару хабарлама жіберу сияқты қарапайым болатын бірыңғай цифрлық төлем кеңістігін қалыптастырудың дәйекті қадамы.

Банкаралық жедел төлем жүйесіндегі жаңа банктер

Толығырақ ақпаратты БАҚ өкілдері телефоны арқылы ала алады: +7 (775) 84-66-814

Akmayev.D@npck.kz

Қазақстанның ұлттық төлем корпорациясында Директорлар кеңесінің жаңартылған құрамы қалыптастырылды. Оның жұмысына жаңа қатысушылар — Ерлан Ашықбеков пен Асқар Жамбакин кірді. Олардың келуі төлем инфрақұрылымын, цифрлық технологияларды және корпоративтік басқаруды дамыту саласындағы ҰТК-ның стратегиялық сараптамасын күшейтеді.

Кеңес құрамын жаңартудың негізгі бағыты-инновациялар бағытын күшейту және ұлттық төлем жүйесін тұрақты дамыту. Экономиканы белсенді цифрландыру жағдайында төлем шешімдерінің тезірек, ыңғайлы және қауіпсіз болуы өте маңызды. ҰТК-ның жаңартылған Директорлар кеңесі заманауи төлем технологияларын енгізуге, цифрлық сервистерді дамытуға, клиенттерді алаяқтықтан қорғауға және халық пен бизнес үшін қолма-қол ақшасыз есеп айырысу мүмкіндіктерін кеңейтуге назар аударатын болады.

«Біздің мақсатымыз-болашақтың сын-тегеуріндеріне жауап беруге және ел экономикасының дамуын қолдауға қабілетті сенімді, технологиялық және қолжетімді төлем экожүйесін құру. Біз инновацияларға, соның ішінде жасанды интеллектке негізделген шешімдерді қолдануға, сондай-ақ интеллектуалды басқару жүйелерін және төлем қауіпсіздігін дамытуға баса назар аударамыз. Сондықтан кеңес құрамына нарықты терең түсінетін және күрделі инфрақұрылымдық жобаларды іске асыруда  тәжірибесі мол  сарапшылар кірді»«, — деп атап өтті Ұлттық төлем корпорациясының Директорлар кеңесінің Төрағасы Бинур Жаленов.

«Ұлттық төлем корпорациясы үшін қаржы нарығының қатысушыларымен және сыртқы сарапшылар мен контрагенттермен ашық және кәсіби диалог құру аса маңызды. Директорлар кеңесінің жаңартылған құрамы осы өзара іс-қимылды күшейтуге және төлем инфрақұрылымын дамытуға неғұрлым кешенді тәсілді қамтамасыз етуге мүмкіндік береді», — деп атап өтті Ұлттық төлем корпорациясының Басқарма Төрағасы Жанар Самаева

Бұдан басқа, Директорлар кеңесінің жаңартылған құрамы ұлттық төлем инфрақұрылымын дамытуды және Қазақстанның қаржы нарығының негізгі қатысушысы — сенімді, технологиялық және клиентке бағдарланған ҰТК рөлін күшейтуді жалғастырады.

Ерлан Ашықбеков — төлем жүйелері және қаржы технологиялары саласындағы жетекші мамандардың бірі. Оның кәсіби қызметі төлем инфрақұрылымын дамытумен, заманауи цифрлық сервистерді енгізумен және қолма-қол ақшасыз операциялардың қауіпсіздігін арттырумен байланысты. Ал төлем тетіктері мен банкаралық өзара іс-қимылды жетілдірудегі елеулі тәжірибе нарық үшін жаңа стандарттарды қалыптастыруға және дамытуға мүмкіндік береді.

Асқар Жамбакин-корпоративтік және мемлекеттік секторларда және ірі компаниялардың стратегиялық дамуында көп жылдық тәжірибесі бар басқарушы. Ол бизнес-процестердің тиімділігіне, тұрақты өсуге және цифрлық инновацияларды енгізуге маманданған. Оның директорлар кеңесінің жұмысына қатысуы корпоративтік басқару жүйесін одан әрі нығайтуға және цифрландыру саласындағы ұзақ мерзімді стратегиялық бастамаларды іске асыруға ықпал ететін болады.

Сондай-ақ, Директорлар кеңесі құрамындағы жұмысты Асқар Смағұлов жалғастырады. Оның корпоративтік басқаруды дамытуға және ұзақ мерзімді өсу стратегияларын қалыптастыруға баса назар аудара отырып, қаржы нарығы ұйымдарында үлкен тәжірибесі бар. Оның мамандануы корпоративтік құрылымдарды дамытумен, инвестициялық қызметпен және ауқымды активтерді басқарумен, соның ішінде бөлшек сауда және девелопмент саласында байланысты.

Ұлттық төлем корпорациясы Петр Трабинский мен Кит Гейбелге Директорлар Кеңесі құрамындағы жемісті жұмысы, жауапкершілігі мен сараптамалық көзқарасы үшін алғыс білдіреді және кәсіби қызметтің жаңа салаларында табыс тілейді.

Ұлттық төлем корпорациясының Директорлар Кеңесі құрамындағы өзгерістер туралы

БАҚ өкілдері толығырақ ақпаратты мына телефоны арқылы ала алады:  +7 (775) 84-66-814

Akmayev.D@npck.kz